कतार विश्वकप छनौट : यस्तो हुनेछ इक्वेडरविरुद्ध उत्रिने अर्जेन्टिनाको प्लेइङ–११

काठमाडौं, असोज २२
सन् २०२२ मा कतारमा आयोजना हुने फिफा विश्वकप फुटबलका लागि दक्षिण अमेरिकी क्षेत्रका देशहरूले स्थानीय समयअनुसार आज राति (नेपाली समयअनुसार भोलि बिहान) बाट छनौट खेल खेल्दैछन् । भोलि पहिलो दिन जम्मा तीन खेल हुनेछन् । यी तीन खेलमध्ये लिओनल मेस्सीको टिम अर्जेन्टिनाले भोलि बिहान इक्वेडरको सामना गर्दैछ ।

अर्जेन्टिनाले छनौट चरणको पहिलो खेल खेल्न इक्वेडरलाई आफ्नो घरेलु मैदानमा स्वागत गर्दैछ । सो खेल नेपाली समयअनुसार शुक्रबार बिहान ६ः१५ बजेबाट सुरु हुनेछ । अर्जेन्टिनाको टोलीमा कप्तान मेस्सीसहित युवा स्टारहरू पाउलो डिबाला र लौटारो मार्टिनेजसहितका खेलाडी छन् । तर, यसपटक सर्जियो अगुएरो चोटका कारण टोलीमा छैनन् भने एन्जल डि मारिया टोलीमै परेका छैनन् ।

प्रशिक्षक लिओनल स्कालोनीले पहिलो छनौट खेलमा मेस्सीको कप्तानीमा पहिलो रोजाइको टोली उतार्ने तयारी गरेका छन् । उनले खेलअघि आयोजित पत्रकार सम्मेलनमा कुरा गर्दै मेस्सी राष्ट्रिय टोलीमा नयाँ उत्साह र सोचका साथ आइपुगेको र उनले टोलीलाई अघि बढाउन महत्त्वपूर्ण योगदान दिने बताएका छन् ।

Argentina Predicted XI (4-3-3): Esteban Andrada, Gonzalo Montiel, Lucas Martinez Quarta, Nicolas Otamendi, Nicolas Tagliafico, Giovani Lo Celso, Leandro Paredes, Marcos Acuna, Lionel Messi, Lautaro Martinez, Paulo Dybala

Ecuador Predicted XI (4-3-3): Alexander Dominguez, Angelo Preciado, Felix Torres, Xavier Arreaga, Pervis Estupinan, Alan Franco, Jhegson Mendez, Angel Mena, Renato Ibarra, Enner Valencia, Romario Ibarra

प्रकाशित मिति २२ आश्विन २०७७, बिहीबार १४:१३
Loading...